Ymunodd Rajendra Kadel ag Iechyd Cyhoeddus Cymru ym mis Mawrth 2019 fel Economegydd Iechyd. Mae’n Economegydd Iechyd profiadol gyda chefndir cryf ym maes iechyd y cyhoedd. Mae Rajendra yn gyfrifol am gyflwyno’r achos economaidd dros raglenni iechyd y cyhoedd a gyflwynir gan Iechyd Cyhoeddus Cymru. Mae ganddo ddiddordeb arbennig mewn econometreg, dadansoddi effeithiolrwydd cost, elw cymdeithasol ar fuddsoddiad (SROI), asesu technoleg iechyd, modelu penderfyniadau yn ddadansoddol, a gwyddoniaeth data mawr yn ymwneud ag iechyd y cyhoedd.
Cyn ymuno ag Iechyd Cyhoeddus Cymru, gweithiodd Rajendra yn Ysgol Economeg Llundain (economeg iechyd meddwl - 2013 i 2019), Achub y Plant (rhaglen iechyd mamau a phlant - 2011), Medical Emergency Relief International (rhaglen iechyd mamau a phlant a rheoli trychinebau - 2007 i 2010) a’r Adran Gwasanaethau Iechyd /Nepal (cwmpas iechyd cyffredinol - 2002 i 2004).
Mae gan Rajendra Radd Baglor Iechyd y Cyhoedd, Gradd Meistr Iechyd y Cyhoedd, Gradd Meistr Ewropeaidd mewn Systemau Iechyd Rhanbarthol, a Gradd Meistr y Celfyddydau mewn Cymdeithaseg. Cwblhaodd Rajendra Radd Meistr mewn Athroniaeth (Economeg Iechyd) yn Ysgol Economeg Llundain (LSE) yn 2018 yn ystod cyfnod ei swydd yn LSE.